Дал мына ушул документ адам  укуктары боюнча эл аралык конвенциялардын жана макулдашуулардын негизи болуп калды, ал эми анын «Бардык адамдар өзүнүн кадыр-баркы жана укугу жагынан эркин жана бирдей болуп төрөлөт» деген өзөктүү ырастоосу, көптөгөн өлкөлөрдүн конституцияларына киргизилген негиз болуп калды. 

Кыргыз Республикасынын негизги мыйзамында да жыныстык белгисине карата басмырлоого тыюу салынганы менен, өлкөдө анын өзгөчө түрү – жыныстык белгиси боюнча зомбулук көрсөтүү кеңири тараган. Аялдар жана балдар, эркектерге караганда үйдөгү, үй-бүлөдөгү зомулукка көбүрөөк дуушар болуп жатышат. Айрым эксперттер  бүгүнкү күндө социалдык статусуна, улутуна, материалдык абалына же билим деңгээлине карабастан, ар кандай  кыз же аял ушул зомбулуктун курмандыгы болушу мүмкүн деп ырастап жатышат. Волкер мырзанын айтканына караганда, эң негизги укуктарды бузуу катарында болуп жаткан зомбулукту жок кылуу бүгүнкү күндөгү абдан олуттуу жана кечиктирилгис чаралардын бири болуп саналат. Ушул проблеманы чечүүдө натыйжалуулукка жетишүү үчүн аялуу топтордун укуктарын алга жылдыруу жана коргоо чөйрөсүндө иштеп жаткан мамлекеттик структуралар менен өкмөттүк эмес уюмдардын күч-аракеттерин консолидациялоо зарыл.