Ата-энелердин макулдашуусу аркылуу никеге турууга мажбурлоо улам кеңири жайылууда. Жаш келин алда канча ийкемдүү жана чыдамдуу болот деген ой менен, келинди мектептен толук билим алганга да мүмкүнчүлүк бербей, жашы жете элек кезде эле келин кылып алууга аракет жасалат. Кыздарга карата зомбулуктун ушул түрүнүн жайылышына Кыргыз Республикасынын мыйзамдык базасы да көмөк көрсөттү, алсак, КР Үй-бүлө кодексинде өзгөчө учурларда деген шылтоо менен, аялдардын никеге турушунун курагы 16 жашка чейин төмөндөтүлгөн.